The Right Place (寶勒巷)

營業中

休息中

黎過幾次食野了，朋友提議約尖沙咀食晚飯，我就提議黎食。最近尖沙咀的確少人左，連食飯都唔洗等位入得。Melon MashUp $88喺aiG見到哩款飲品好靚呀😍 原來可以Cocktail 轉mocktail，咁我地就order冇酒精既macktail。真係非常適合打卡，好靚，飲落仲好清新，好開胃，正正！橙漬鮮吞拿魚配嫩菠菜沙律 $158份量好多，菠菜新鮮，吞拿魚好好食，個邊包左芝麻，增添口感味道，仲有新鮮無花果，甜，整道沙律配搭得好好，出面又少食到。烤西班牙黑毛豬腩 $128係一道藝術般既菜色，顏色又豐富。烤黑毛豬食到炭燒既香味，啖啖肉質爽口，個邊燒得脆脆地，配青綠色既蘋果準可中和肉類既油，高水準菜式。上湯龍躉魚柳意大利飯 $208整道菜係中西fushion，味道有驚喜，好鮮味呀，好中意哩個意大利飯，係第一次食到既味道。加左玉子豆腐、粟米、勝瓜、蝦乾，健康食材，簡單鮮甜。龍躉魚柳去左骨，新鮮，厚身，好味。