三一餃子 (利源西街)

營業中

休息中

💛💛💛三一餃子💛💛💛久仰大名，有少少難搵，所以睇Google Maps嘅時候都要小心搵😂。前前後後去咗兩次，第一次佢俾人打爆玻璃，所以冇開門。第二次終於食到。舖頭細細，唔算好多位😛。黑白松露豬肉餃（冰花煎）冰花餃好食，黑松露味略嫌太重，重到有少少嗆喉。食得多有少少口渴，要飲水🤔。餃子嘅大細正常偏細，所以都幾啱女仔食，男仔食就可能要加多碗麵啦😂！蒜芯豬肉餃（冰花煎）價錢喺中環黎講都算係咁🤟🏻。我地覺得蒜芯豬肉餃好食過黑白松露餃，至少食完唔會好口渴🤪。味就唔算好重，絕對食得出蒜味。總括來講都好食！餃子個皮鎖住豬肉肉汁，咬落去仲有肉汁流出來💗。粟米豬肉餃（湯餃）鰹魚昆布湯米線好彩依到既煎餃出色，因為湯餃有啲平平無奇，食落去嘅粉味比較重🥺。粟米餃裏面嘅粟米完整嘅，但始終餃皮有少少厚，所以同冰花餃相比就真係比下去啦🤔。另外，個麵都好普通，又唔係唔好食，只係有少少為食飽而食😂。