大盛居酒屋

營業中

休息中

👦🏻以前食開既一間茶餐廳，原來已經轉手為日式居酒屋🏮，咁今次就試下呢間位於黃大仙既居酒屋 - 大盛居酒屋！今次刺身同熟食都試過曬，絕對驚豔到👦🏻👧🏻，原來黃大仙區有如高質素既日式餐廳😍！🌟大盛至尊四重丼大盛至尊四重丼分為四個小丼飯，分別係蟹肉甜蝦丼、吞拿魚魚蓉丼、帶子三文魚籽丼同埋魚子醬海膽丼。全部都好新鮮，鮮甜無比，最值得一提既係吞拿魚魚蓉丼，魚蓉口感豐富，味道濃厚，黎到不妨一試！🌟鹿兒島A4和牛海膽卷鹿兒島A4和牛食落有咬口，肉質有彈力，每一啖都有濃郁既和牛油脂同肉既香氣，肉質鮮嫩而多汁！而海膽新鮮，食落甜美，配上和牛簡直係一絕！🌟芒果米紙軟殼蟹沙律估唔到日式餐廳都有越式米紙卷食！有清甜嘅芒果配上香脆嘅軟殼蟹、生菜，非常清爽！🌟豬軟骨石鍋鳥冬-豬骨湯幾推介呢個石鍋烏冬，出街食豬軟骨就最怕啲軟骨唔夠腍，爽口🙅🏻‍♂️，但係呢一度嘅豬軟骨係淋到好似啫喱咁。石鍋上嘅湯底熱辣辣，烏冬亦都夠煙靭。🌟燒牛肉肋肉//免治雞肉棒去到居酒屋緊係要食串燒！燒牛肋肉串燒帶少少肉、脂肪同筋膜，口感相當豐富。至於免治雞肉棒充滿不少雞軟骨粒，再點生蛋黃+醬油汁，包裹着雞肉部分，絕對Creamy可口。