豪園麵家 (已結業)

昵間豪園麵家選擇非常之多，除左有傳統粉面之外仲有好多惹味嘅鑊氣小炒值得一試。店內環境比較乾淨企理，燈光明亮，位置都算寬敞坐得舒適。點完餐之後都會每人上左一碗例湯，湯味濃郁而且冇咩味精味，係健康嘅味道👍🏻蠔仔肉碎粥蠔仔粥份量非常大碗，而且用料非常充足，蠔仔肥大又肉厚，食落感覺非常鮮甜。仲有大量肉碎同埋魚乾，粥底煮得粒粒分明比較新鮮。再加上芫茜嘅提味，整個粥底味道好鮮美，好好味😋另一份煮食係鮮茄鹹菜煮黃花魚，黃花魚非常大條，經過油炸再加入鹹菜蕃茄燜煮，香脆可口但又不會太熱氣，蕃茄和鹹菜也煮得非常霖，送飯一流。飲品方面叫了柚子蜜，清熱消暑解渴。