韓閣 (已結業)

去咗轉「韓國」……呀唔係，係「韓閣」先真😂黃大仙中心北館開咗間新食肆，所以嚟試下😊環境都幾開揚舒服，一坐低，職員就拎咗三小碟韓式前菜醒醒胃，唔錯👍睇餐牌，見到食物款式都幾多，價錢都算合理，我哋點咗以下幾款：胡麻醬雞絲冷麵份量十足，雞絲、紅蘿蔔絲、蛋絲、菠菜等等，麻醬更加係好似唔洗錢咁，比咗勁多，正呀😂芝士岩漿炒飯我哋因為有小朋友唔食到辣，所以走辣，即係無泡菜。以為無咗泡菜唔好食，你錯啦，都非常吸引，尤其係個芝士，拉絲得嚟又唔會感覺好膩。紫菜肉鬆蛋捲個蛋捲餡料唔係只係紫菜及肉鬆，仲有菜、青椒、紅蘿蔔、蟹柳等，豐富口感，大人細路仔都鍾意食香葉鹹蛋黃炸雞翼鹹蛋黃醬包住熱辣辣嘅炸雞翼，香脆可口，食完一隻一定會想食多隻😅有機會再同朋友嚟試埋啲炸雞、泡菜等等….一啲辣嘅菜式先😋