豪園麵家 (已結業)

朋友搬咗去黃大仙，請我去home warming party，夜晚食飯時間，佢話有間潮洲菜幾好食，所以我哋去咗，見到個招牌有點熟口熟面，諗諗吓我係尖沙嘴見過佢哋嘅美食車，個時食咗檸茶BB，芋頭春卷，單骨雞翼，正YY！我食潮州菜通常會叫胡椒豬肚湯，極足料，胡椒味好夠，枝竹吸哂啲湯嘅味，正！金牌拔絲欖角骨，欖角同糖漿配得好，排骨啖啖肉，香氣十足！潮式煎蠔餅，真係半煎炸嘅，唔太油，蠔仔十足！必叫之選鮑汁燜豬手，最鍾意係食膠質豐富嘅嘢，豬手燜得好軟腍，鮑汁係會黏口，味道唔太隆朋友叫咗碗雲吞麵俾我來試吓，麵條煙韌，朋友話佢地自己打嘅，雲吞爽口多料，唔錯