紅磡串門子

營業中

休息中

同朋友經過黃埔，見到有間地道串燒，細細地不過都有幾多不同種類。而家天氣唔算熱，坐落感覺都OK。除咗串燒，仲有開胃小菜，涼拌小菜，酸辣薯粉，麻辣鍋等。串燒材料唔錯，加上孜然粉好惹味。最鍾意一口和牛粒，牛味濃，肉質厚身燒得啱啱好。墨魚丸和燒鰻魚都幾好，皮脆肉嫩又厚肉，魚皮油香味加上孜然粉配搭好正。燒青椒辣辣地好好味，叫咗兩轉！試咗幾特別嘅燒魚腐，正正方方鮮甜彈牙，口感都唔錯。仲有唔少得嘅燒菠蘿，又甜又多汁。最後加多一個重慶酸辣甜薯粉，夠晒彈牙，小辣已經夠。不過見佢外賣都幾多，所以都等咗一陣。小店風味，有時間可以慢慢品嚐。