豪園麵家 (已結業)

每隔一排就會掛住呢到既薯仔牛柳粒，今日見已經一排無黎幫襯就揀左佢。 餐廳晚市主打小炒，亦都有魚蛋粉麵供應。 當晚就嗌左薯仔牛柳粒及咕嚕蝦球，每款小菜都會跟白飯及例湯，當日例湯係粉葛赤小豆煲豬骨，飲落幾足料而且無味精，飲完唔會好口乾。 薯仔牛柳粒係必叫之一，薯仔先炸後撈埋牛柳炒勻，食落外脆內軟，惹味得黎帶小小辣，牛柳食落無筋，牛味夠出，大大碟最岩一班人分享。 咕嚕蝦球醬汁唔會過酸，蝦球大大隻肉質幾爽彈，而且份量都唔會，酸酸甜甜撈飯一流。 整體水準保持得好好，小炒夠鑊氣，味道唔會好味精，而且餐廳環境光猛，地方闊落，小菜館黎講算坐得好舒適。