影片
更多
2012-04-15
30 瀏覽
今次黎呢間係因為朋友剛剛 join member又有 coupon, 計落係大約二百蚊一位 (我地食 dinner buffet) 望過下 d 食評都好似話唔錯, 點知都幾失望.....今日係假期前夕, 竟然一 d 都唔 full, 只係坐左一半位倒, 所以出去拎野食時唔會人山人海, 都幾好. 首先每台送你一碟什麼有機麥包, 幾好味, 外脆內軟海鮮頭盤個樣就好靚喇, 可惜味道麻麻, 長腳蟹 d 肉有少少梅, 龍蝦仔有陣怪味 (陣香料味怪怪的) 刺身只有三文, 八爪, 帶子同希靈魚, 切得勁厚, 三文都冇乜野, 八爪就勁難咬開囉, 帶子好大粒但冇乜味既, 個希靈魚就一般貨色生蠔即開... 即開係新鮮 d, 但係大家都知道呢 d 任食的生蠔, 個開蠔哥哥係開得勁慢........ 唔多人等, 條隊通常都係最多4-5人, 但幾個人都要等成 10 分鐘過外.... 唔多掂呢! 仲有佢每次只係拎十幾廿隻出黎, 到開哂之後, 佢就會同排隊 d 人講, 唔好意思我地未咁快再出, 你地等一陣再黎啦! 跟住好似到九點到打後都唔見佢有拎出黎呀, 結果我只係食到四隻 ..... 嗚~~不過 d 生蠔就
今日係假期前夕, 竟然一 d 都唔 full, 只係坐左一半位倒, 所以出去拎野食時唔會人山人海, 都幾好.
首先每台送你一碟什麼有機麥包, 幾好味, 外脆內軟
海鮮頭盤
個樣就好靚喇, 可惜味道麻麻, 長腳蟹 d 肉有少少梅, 龍蝦仔有陣怪味 (陣香料味怪怪的) 刺身只有三文, 八爪, 帶子同希靈魚, 切得勁厚, 三文都冇乜野, 八爪就勁難咬開囉, 帶子好大粒但冇乜味既, 個希靈魚就一般貨色
生蠔即開... 即開係新鮮 d, 但係大家都知道呢 d 任食的生蠔, 個開蠔哥哥係開得勁慢........ 唔多人等, 條隊通常都係最多4-5人, 但幾個人都要等成 10 分鐘過外.... 唔多掂呢! 仲有佢每次只係拎十幾廿隻出黎, 到開哂之後, 佢就會同排隊 d 人講, 唔好意思我地未咁快再出, 你地等一陣再黎啦! 跟住好似到九點到打後都唔見佢有拎出黎呀, 結果我只係食到四隻 ..... 嗚~~不過 d 生蠔就好新鮮同好重海水味, 又夠鮮味, 唔知咩蠔, 我估係澳洲
呢個係龍蝦意粉, 好好食, d 白汁勁香濃, 雖然只有一小舊龍蝦但都好好味
這個是每位送一份的芝士焗龍蝦........ 好可惜, 又冇芝士味, 又冇龍蝦味, 好差
熱葷唔多選擇, 有 d 幾奇怪的例如咩紅菜頭炆鴨 (見到個樣黑媽媽都冇拎) 又有咩咸豬手, 但又係冇味的, 又 un... 但咖喱羊肉就不錯, 好香好濃的咖喱都幾辣, 羊肉很林很入味, 不過我朋友佢食咖喱豬肉佢就話好難食, 好似煲完湯的豬肉另外個牛扒都係不過不失, 羊扒又係冇乜味, 見到有 d 什麼炒菜蒸魚都冇拎到黎試
唔知係咪因為冇乜人的關係, 廚房人手好不足下喎, 牛扒同刺身係長期冇人係度架, 你行埋去時, 會有個 "實Q" 哥哥叫你等一等, 跟住我見個哥哥仔開完蠔, 又要過去切牛扒..... 大酒店, 咁失禮既?到甜品啦, 估唔到都幾差喎, 得幾款, 仲要係 d 極普通的朱古力蛋糕, 芝士餅之類, 咩水晶包都有! (透明皮裡面紅豆果 d) 雪糕就都係麻麻地好食 (睇返人地 d 食評先知係 movenpick, 當時都冇留意)
總括黎講, 我覺得 d 質素都幾差下, 食物款唔多都唔緊要, 最慘係冇乜邊樣係好食, 連最愛的生蠔同刺身都差差地, 而且大部份食物味道都係普通, 唔算係難食, 但完全唔係好食囉. 不過 d 侍應的 service 就幾好, 同埋人唔多都係一個好處. (竟然假期前夕都唔爆?) 如果用 coupon 兩舊水一位都算食得過, 正價聽講係 $48x. (聽講, 唔 sure).. 呢個價錢, 我唔會再揀佢囉
題外話/補充資料：
順帶一提, 還境係唔錯的, 坐位好寬趟闊落, 仲有幾張卡位, 好似好舒服咁......
(以上食評乃用戶個人意見 , 並不代表OpenRice之觀點。)
張貼
