麻辣派對 (金百利廣場) (已結業)

好耐未食個辣嘢 男朋友講咗好耐想食好耐 今日出開銅鑼灣就嚟麻辣派對過一過麻辣癮我哋兩個人只係叫咗兩款餸同一碗白飯就已經好夠飽水煮江團魚 魚肉起曬骨啖啖肉又滑口 而且份量好大 我哋兩個人係食唔曬成兜魚 裏面仲配咗大豆芽 蒟蒻 薯粉等等 水煮辣味同埋味適中 啱曬我哋過麻辣癮 乾扁杭州花菜鹹肉 椰菜花配鹹肉炒不嬲都係冇得輸嘅組合 夠鑊氣 配白飯一流另外當然唔少得就叫做支啤酒啤一啤 細支裝藍妹廿幾蚊支 都唔算特別貴嘅另外呢度除咗有水煮系列之外 其實仲有酸菜系列 干鍋系列等等 辣度同配菜又可以自己選擇 兩個人簡簡單單嗌一個鍋 再加個簡單嘅前菜小菜 已經夠曬食