影片
更多
2020-12-05
688 瀏覽
原本約左食九點半諗住食平啲，點知去到時九點三，附近大量非人類生物出現左，又有數架車拍左係到。我同朋友二話不說衝左入舖避一避先啦。店員都深明發生乜事，仲話入左黎先啦。而且，依然只收我地$128/位，真係太感動啦唔講得笑，要食返多啲黎定下驚先呢度地放不大，但清潔乾淨每張枱都有搓手液，紙巾提供真係串到爆！咁既價錢，可以食到咁多美食，抵佢串既！一於叫多啲食多啲揀左中辣湯底，點知愈食愈辣個湯底除左辣仲有麻和香。成都口味，鮮香麻辣串好左既食材會浸左係碗麻辣湯到，吸收晒啲日月精華，包你過足麻辣癮。必食推介，地獄泡椒肥牛塊肥牛卷住隻泡椒。整個放入口已覺嗆鼻，一口咬落去啲辣汁爆晒出黎，又酸又辣，我灌左半罐可樂先搞得點。幸好呢度加$30就可以任飲，不過之後我只係食左塊肥牛，放棄左隻泡椒。萵荀係我既至愛食物之一。厚切又爽口多汁，唔係太辣，可以中和返口腔既辣度，唔錯呀。長長既五花肉條，肥瘦均勻，啖啖肉。蘿蔔，厚百頁，豆卜，豬皮.....呢啲掛湯力高既食材必食，特別滋味。仲有唔好遺忘食鴨舌，佢本身已經滷到好入味，所以食落去除左麻辣，仲會覺得喊喊地叫左兩大盆串串，都比職員話我地食咁少。傻啦，我地仲要食四川小食呀
唔講得笑，要食返多啲黎定下驚先
8 瀏覽
0 讚好
0 留言
呢度地放不大，但清潔乾淨
每張枱都有搓手液，紙巾提供
真係串到爆！咁既價錢，可以食到咁多美食，抵佢串既！一於叫多啲食多啲
揀左中辣湯底，點知愈食愈辣個湯底除左辣仲有麻和香。成都口味，鮮香麻辣
串好左既食材會浸左係碗麻辣湯到，吸收晒啲日月精華，包你過足麻辣癮。
必食推介，地獄泡椒肥牛
塊肥牛卷住隻泡椒。整個放入口已覺嗆鼻，一口咬落去啲辣汁爆晒出黎，又酸又辣，我灌左半罐可樂先搞得點。幸好呢度加$30就可以任飲，不過之後我只係食左塊肥牛，放棄左隻泡椒。
萵荀係我既至愛食物之一。厚切又爽口多汁，唔係太辣，可以中和返口腔既辣度，唔錯呀。
長長既五花肉條，肥瘦均勻，啖啖肉。
蘿蔔，厚百頁，豆卜，豬皮.....呢啲掛湯力高既食材必食，特別滋味。
仲有唔好遺忘食鴨舌，佢本身已經滷到好入味，所以食落去除左麻辣，仲會覺得喊喊地
叫左兩大盆串串，都比職員話我地食咁少。傻啦，我地仲要食四川小食呀
強烈推介麻辣豬紅！又滑又彈牙，辣得黎又夠香，一口一件，唔使三分鐘就食晒一份。再叫！
蒜泥青瓜爽脆，解辣一流
涼拌雲耳，落左陳醋，所以酸酸辣辣的，很開胃👍
麻辣千層肚，剪得比較碎，但味道一樣咁好食。
四川特式糖水——冰粉
冰粉本身無乜味道，滑溜溜似果凍。加了酒釀，提子乾和山渣，味道大提升，冰凍得黎很解辣。
食埋小食和糖水，我地真係捧住個肚，店員仲問要唔要再叫。雖則任食，但真係唔想浪費食物。呢度真係服務好好，上菜又快，又驚你唔飽不停叫你食多啲，下次真係要空肚黎再食過。
張貼
