影片
更多
2022-12-12
140 瀏覽
餐廳：Grill Tajimaya (灣仔)地址：灣仔港灣道30號新鴻基中心2樓2A-1號舖每次行經灣仔運動場又或者去灣仔碼頭坐船返尖沙咀，都總會經過有好多食肆喺附近嘅新鴻基中心，鍾意呢度因為外國人特別多，有少少去咗外國嘅感覺🤓。臨近聖誕，又唔想喺聖誕節同人逼，加上到時基本上間間餐廳都會full booking咁濟，所以決定提早食餐好嘅過冬同預先迎接聖誕節嘅嚟臨🎄 今次去咗呢間由日本老闆開嘅西日式餐廳——Grill Tajimaya @grill_tajimaya ，佢哋喺日本設有自家農場🐃，主打100%日本鹿兒島產黑毛和牛漢堡牛同牛扒，加上大部分食材都喺由日本到港🇯🇵，食物質素同口碑特別好⭐️。餐廳空間感都幾大，一入門口就有一個高透明度嘅開放式廚房，以一塊玻璃同客人相隔，大廚點樣烹調食物、製作過程都一清二楚😌。座位相當闊落，坐得舒服又唔使同隔離位逼，紅磚牆同灰、啡、木色嘅裝修擺設仲帶嚟一種復古工業風格由2021年開業至今超過兩年，餐廳都喺第一次設計呢個Winter Celebration Dinner Set($1499 for 2 pax)，希望可以比食客品嚐到餐廳最出色嘅西日料理🤤
地址：灣仔港灣道30號新鴻基中心2樓2A-1號舖
每次行經灣仔運動場又或者去灣仔碼頭坐船返尖沙咀，都總會經過有好多食肆喺附近嘅新鴻基中心，鍾意呢度因為外國人特別多，有少少去咗外國嘅感覺🤓。臨近聖誕，又唔想喺聖誕節同人逼，加上到時基本上間間餐廳都會full booking咁濟，所以決定提早食餐好嘅過冬同預先迎接聖誕節嘅嚟臨🎄
今次去咗呢間由日本老闆開嘅西日式餐廳——Grill Tajimaya @grill_tajimaya ，佢哋喺日本設有自家農場🐃，主打100%日本鹿兒島產黑毛和牛漢堡牛同牛扒，加上大部分食材都喺由日本到港🇯🇵，食物質素同口碑特別好⭐️。
餐廳空間感都幾大，一入門口就有一個高透明度嘅開放式廚房，以一塊玻璃同客人相隔，大廚點樣烹調食物、製作過程都一清二楚😌。座位相當闊落，坐得舒服又唔使同隔離位逼，紅磚牆同灰、啡、木色嘅裝修擺設仲帶嚟一種復古工業風格
由2021年開業至今超過兩年，餐廳都喺第一次設計呢個Winter Celebration Dinner Set($1499 for 2 pax)，希望可以比食客品嚐到餐廳最出色嘅西日料理🤤，而我亦都喺因為呢個Dinner Set專程過嚟試試佢哋嘅黑毛和牛😍。呢個Set包括6樣嘢：沙律🥗、湯品、意粉🍝、主菜、甜品同飲品☕️，
我就先叫返杯紅酒清清口腔再開始今晚嘅盛宴🍷
✝️蟹肉蟹籽沙律 Crab Meat & Crab Roe Salad
以蟹肉碎同蟹籽做主菜，配以柚子油醋汁加入新鮮蔬菜當中嘅沙律🥗，除咗蟹嘅鮮味🦀️，更多嘅喺酸酸甜甜開胃嘅滋味
✝️香煎帶子南瓜湯 Pumpkin Soup w/ Grilled Scallop
當香煎過嘅刺身級北海道帶子配上濃郁清甜嘅南瓜忌廉湯，以清新南瓜香襯托起爽甜嫩口嘅帶子肉，望落就好似橙海中嘅珍寶珠一樣🎃
✝️三文魚味噌魚籽意粉 Miso Cream Sauce Pasta w/ Salmon & Ikura
忌廉意粉一向俾人感覺食完好滯，餐廳配埋菠菜、三文魚粒同爆醬嘅鮮魚籽，魚籽就充分咁發揮解滯嘅作用，令意粉嘅鮮味double up⬆️
✝️日本產黑毛和牛牛柳扒 Japanese Wagyu Fillet Steak (主菜三選二)
厚切嘅鹿兒島黑毛和牛牛柳扒🥩，經過低溫慢煮至五成熟🔥，呈現出外層燒烤過、內層鮮紅吸引嘅賣相，
牛柳喺牛肉入面最柔軟細嫩嘅部位，脂肪少而瘦肉多，食起上嚟唔多筋同脂肪，啖啖都喺肉，肉汁唔算多但喺肉味好香濃😋，配上芥末、Wasabi或者燒汁一齊食就更凸顯出和牛嘅肉質鮮味，真心好食👍
✝️香煎比目魚配西西里魚湯 Grilled Flounder w/ Sicilian Fish Soup (主菜三選二)
肉嫩皮脆嘅比目魚🐟，加入義大利嘅西西里魚湯當中，配以洋蔥🧅、蕃茄🍅、橄欖🫒、茴香等香料調味，一味二食。
就咁食就食到比目魚本身獨特嘅魚鮮香味，連埋魚湯一齊食就好似飲緊勁足料嘅鮮魚高湯，最重要魚肉一啲都唔腥唔嚡，相當有心思同落足心機去整💕
✝️麵包布甸伴雲呢拿雪糕 Bread Pudding w/ Vanilla Ice Cream
最後嘅甜品喺餐廳自家製嘅，烘烤到外層厚脆、內層鬆軟嘅麵包布甸，配上自製幼滑嘅雲呢拿雪糕🍨，最後灑上杏仁片，夾埋一齊食，嗰種溫度、味道同質感上嘅對比實在令人忍唔住食完一啖又一啖😆
值得一題呢到啲侍應服務幾周到而且好nice，細心有耐性仲好talk得，加分加分❣️
張貼
