十三姨 (白加士街)

營業中

休息中

之前見朋友食過一直好想試，但聞說好多人等位所以一直無去試。終於等到開分店，呢間新開暫時唔需要等好耐，去到剛好有位。叫左老闆娘鵝肝煎蛋飯，坐低就首先送上茶同印尼蝦片，值得一提杯茶係獨立茶包沖，都幾香同有誠意。然後等一陣已經送上鵝肝飯，職員提我地可以加上秘製汁撈飯。三件鵝肝都算大塊同幾香，仲有大大隻流心蛋，蛋汁可以撈飯，加埋旁邊配料撈飯幾香，但有少少辣。三件鵝肝令碗飯性價比提升不少，同埋好飽肚。總體來說，係幾特別同值得再食。另外值得讚係服務態度好，照顧客人需要！