影片
更多
2021-12-02
174 瀏覽
最近又過北角行街食飯，平時少食中式野，今次就因為撈麵想試試😉睇完個餐牌就樣樣麵想少少燒味雙拼撈麵就叫咗出晒名嘅叉燒腩仔，蜜汁叉燒唔會死甜，食落有一種類似花蜜咁既味道，略嫌叉燒部位比較肥左啲啲，如果係半肥瘦更佳🤪腩仔入口鬆化，表皮香脆，肥膏層唔會死實實。撈麵份量算多，醬汁入味，無鹼水味，就算放左一陣先食都唔會變左一舊麵餅。第一次食鵝油撈麵，印象唔錯😋酸辣無骨鳳爪，感覺上有少少似泰式無骨鳳爪。唔會太辣，偏酸少少，幾開胃，如果係鐘意食辣既朋友可能會略嫌唔夠辣海蜇手撕雞腸粉，可以一次過滿足兩個願望，手撕雞同埋海蜇，手撕雞比較嫩滑， 調味適中，而海蜇就係爽口，有別於坊間"橡根"既煙韌口感。由於太耐冇食過腸粉，所以落左勁多醬，大量麻醬同甜醬～邪惡！黃金皮蛋，有少少失望，因為個蛋黃太實，麻辣香味唔夠出，麻辣入唔到蛋身，味道上好似分開左咁。晚餐好豐富～撈麵比較出色。營養要均衡，我地有叫到油菜，正常不過不失啦，價錢麵合理。跟餐都有例湯，cp值都算高
燒味雙拼撈麵就叫咗出晒名嘅叉燒腩仔，
蜜汁叉燒唔會死甜，食落有一種類似花蜜咁既味道，略嫌叉燒部位比較肥左啲啲，如果係半肥瘦更佳🤪
腩仔入口鬆化，表皮香脆，肥膏層唔會死實實。撈麵份量算多，醬汁入味，無鹼水味，就算放左一陣先食都唔會變左一舊麵餅。第一次食鵝油撈麵，印象唔錯😋
酸辣無骨鳳爪，感覺上有少少似泰式無骨鳳爪。唔會太辣，偏酸少少，幾開胃，如果係鐘意食辣既朋友可能會略嫌唔夠辣
海蜇手撕雞腸粉，可以一次過滿足兩個願望，手撕雞同埋海蜇，手撕雞比較嫩滑， 調味適中，而海蜇就係爽口，有別於坊間"橡根"既煙韌口感。由於太耐冇食過腸粉，所以落左勁多醬，大量麻醬同甜醬～邪惡！
黃金皮蛋，有少少失望，因為個蛋黃太實，麻辣香味唔夠出，麻辣入唔到蛋身，味道上好似分開左咁。
晚餐好豐富～撈麵比較出色。營養要均衡，我地有叫到油菜，正常不過不失啦，價錢麵合理。跟餐都有例湯，cp值都算高
張貼
