稻埕飯店 (K11購物藝術館) (已結業)

同朋友準備血拼前搵間餐廳祭下五臟廟先，見到無咩人排隊就試下佢。入到去環境都唔錯，乾淨企理；雖然我張枱隔離有另一組食客，但唔算話太迫。我同朋友各自點左一客鵝不是鴨肉鵝油拌麵套餐，肉唔會好鞋口，拌麵亦唔會好油膩，加上少少配菜同飲品，份量都唔算少。我哋亦加咗個蒜泥白肉。呢度嘅做法唔似出面餐廳咁肉上面一堆泥，而係將肉同青瓜薄片捲埋一齊，整齊排好上碟再喺上面加蒜泥同少少醬汁，味道濃得黎有青瓜中和返，感覺清爽啲。總括嚟講，味道不錯，可以再戰。