湊湊火鍋‧茶憩 (MOKO新世紀廣場)

營業中

休息中

店內環境寧靜，適合與朋友邊傾偈邊打邊爐。而家冇得去台灣，唯有食台式邊爐頂住檔先。首先我哋叫咗一個麻辣鍋，因為貪佢嘅鴨血可以免費任添，麻辣味中麻味較重，辣度尚可接受。睇過餐牌，我哋揀咗top1人氣黑毛豬,豬肉片油脂分布均勻，簡直就好似食緊豬肉裏面嘅和牛等級。我哋揀嘅鍋底已經包左無限量添食嘅鴨血，鴨血嘅份量真係好多，起碼有二十幾三十舊。至於味道口感方面都較為突出，鴨血好有咬口，確實係唔錯嘅選擇！至於蔬菜拼盤，份量剛好，拼盤種類繁多，專為選擇困難症嘅你而設！至於丸方面，我哋叫咗牛筋丸同蟹籽墨魚滑。兩種丸分別有唔同嘅口感，但味道都相當唔錯！牛筋丸好彈牙好煙韌，食落去口感提升，而蟹子墨魚滑墨魚味道好突出，好鮮甜。