一鍋堂 (XX Arcade) (已結業)

旺角佐敦油麻地都比較多火鍋任食，天氣凍凍地最啱暖笠笠嘅邊爐。上網食評見到旺角嘅一鍋堂都幾多好評，趁weekend嚟食吓午市100分鐘放題。經過波鞋街shopping下，就嚟到餐廳。入到去已經見到成排雪櫃，裝滿蔬菜，飲品。樽裝飲品有冰糖燉檸檬，可以滋潤吓，我揀咗薄荷烏龍茶，可以解膩。蔬菜好齊整，有kale, 唐山菜，油麥菜，娃娃菜。門口已經揀咗湯底，淨係湯底都有17款選擇。鴛鴦鍋試吓粟米蜆肉湯底同埋紫菜櫻花蝦湯。牛肉有美國安格斯，牛脷心，西班牙豬，呢三款都有encore。尤其係牛脷，灼幾秒好有牛香味，唔會覺得韌。鱔片，墨魚滑同蝦滑係必食，足料同新鮮。座位好似張張都係卡位。