鮮選壽司 (已結業)

Donki 外賣壽司就食得多，堂食都係第一次，見網上食評好麻麻，星期日中午本著唔駛等位心態去試，結果令人好意外好驚喜，質素絕對好過壽x郎，同元x差唔多，而且坐得舒服，服務又幾好，最重點係壽司即叫即整。🥢精選壽司10件 $98 ⭐️⭐️⭐️⭐️真心覺得全部都好味同新鮮，如果要揀3件最好味，我會揀中拖、赤海蝦同甜蛋，而軍艦嘅紫菜嚟到已經唔脆，係唯一敗筆。🥢精選壽司6件 $68 ⭐️⭐️⭐️⭐️呢6件壽司正好係精選10件其中6件，再加埋碗腐皮烏冬，啱晒細食人仕，腐皮烏冬我又係覺得有驚喜，腐皮軟熟甜甜地，烏冬煙煙韌韌，仲有唔肯定係咪鰹魚嘅湯底，整個組合都好味。🥢茶碗蒸 $15 ⭐️⭐️追加一個茶碗蒸試，目測蛋蒸得幾滑，但食落會覺得太稀無乜口感，材料有冬菇魚蛋小柱等，試過就算。二人共消費：$199