Chef's Stage Kitchen (已搬遷) 新店位置

之前去荃灣Chef’s Stage Kitchen食牛排勁好食，見元朗原來先係佢地總店，咁近梗係試下啦。我地去到元朗店環境都唔錯，坐得都幾舒服，好過荃灣店。本來想食返牛排，但要12點後先有，我地惟有試下其他，我叫左鮮藍蟹蟹肉扁意粉配鮮蟹膏、蝦膏忌廉汁，我老公就叫左Chef’s Stage Breakfast。我個意粉勁creamy，蟹醬味好濃郁好香，都幾足料，每一啖有蟹肉，睇得出煮得好有心機。我老公見到隔離檯叫左Tiramisu ，好似幾好食，佢又忍唔住叫左份。個Tiramisu 又真係幾好味，好香咖啡味而且口感好綿密。