正宗水上人氣鍋專門店 (已結業)

諗起有得食新鮮海鮮蒸，真係心情都靚啲呀。自助醬料吧十分齊全，辣椒辣醬沙嗲醬鮮蒜炸蒜炸菜菜甫等等等等.....座位寬敞舒適，未食都已經有好好嘅印象分啦！黎到精彩嘅海鮮拼盤，真心正，職員會幫你放入鍋，夠鐘又會幫你分餸，服務唔錯！海鮮十分鮮甜！十分鮮甜！十分鮮甜！之後職員會蒸籠蟹糯米飯，蟹肉嘅鮮甜配埋糯米飯香，食得一碗真係唔夠喉呀！最後，最精彩嘅環節黎啦！就係海鮮湯底嘅粥呀！蒸海鮮果時，海鮮嘅精華逐啲逐啲滴成海鮮湯再加飯同排骨落去「淆」粥！鮮甜好味到不得了呀！大滿足