Oneness Team

營業中

休息中

Oneness算係大埔比較新開嘅咖啡店（其實都差唔多一年半載），開頭見佢裝修緊嗰陣以為係大埔另一間咖啡店嘅分店，因為大埔都係有白色綠色嘅裝修風格，後來發現而家好多舖頭都用呢種配色。 既然係咖啡店，應該要試下咖啡，可惜我無，因為當日天氣比較熱，叫左杯香印提子沙冰。食物方便就揀左Yuzu Hamachi Tartare（柚子醋油甘魚他他）同埋Pork Belly Kakuni（豚角煮）。 🍇香印提子沙冰真係提子味滿滿，非常濃郁。本人對提子皮嘅澀味非常敏感，飲落去嘅時候真係充滿香印嘅味道，好足料，所以真係對得住呢個價錢。而且數量唔多，賣完就無，當日一點幾兩點左右已經係最後一杯。 🐟柚子醋油甘魚他他都好清新，配脆鍋巴，既清涼又crispy。其實有beef tartare，但係油甘魚他他好似比較特別，一試之下就發現無揀錯。伴有食用花同脆粟米，成個擺盤都好賞心悅目。 🍖豚角煮係汁煮一舊豬腩肉，看似肥膩但係食落又唔覺，適量嘅油脂感亦令到腩肉好香滑。配上刈（唔識讀）包亦可以中和味道平衡油膩感。 💐總結食物方面係屬於比較精緻嘅路線，木系配餐具配上食用花，整體感覺好清新，好似鬧市入面嘅寧靜花園咁。