阿爺八鮮鍋 (已結業)

鮮味真係令人難以抗拒， 淨係聽呢間舖頭名已經知道， 你將會搵到你想要嘅答案。呢度基本上都係火鍋放題，首先一輪雞煲，之後就進入主題-- 海鮮火鍋。雞煲嘅雞件都算鮮嫩， 辣度可因應自己程度自由選擇。火鍋頭輪會送每人半隻波士頓龍蝦， 之後仲有超多海鮮任食， 例如花膠，鮑魚， 瀨尿蝦，海中蝦 ，帶子， 泥鯭， 蟶子同埋花蟹。最深刻都係泥鯭， 佢幫你去走內臟之後仲識喐㗎！除咗海鮮， 其他配料例如 安格斯牛肉都非常高質， 絕對對得住招牌上面個鮮字！價錢都算係幾公道， 任食嚟講都算幾抵。