影片
更多
2018-06-22
4400 瀏覽
喺銅鑼灣呢頭有唔少美味高質既餐廳，我同朋友都好中意過海覓食～ 今日晏晝心血來潮想食日本菜，見到有人推介豊勝手丼，啲相睇落又好吸引，咁就一於去試下，睇下係咪真係色香味俱全。😜餐廳既風格充滿日本風味，店舖細小精緻，牆上有一尾栩栩如生既魚。餐牌好簡潔，一張兩面，包攬曬多款美食，有丼飯、刺身、燒物等不同選擇。如果餐牌上既丼飯不合心意，可以自行挑選刺身配料，組成獨一無二既特色丼飯。枱面一早佈置好，放左餐具、熱茶。而牆上有一個架，放左紙巾、醬油、牙籤等，一應俱全，非常貼心☺️抹茶好清新，發出陣陣幽香，帶點甘苦 。而茶本身可以幫助消化，消一消濟 😌 一路食主菜，一路飲呢個抹茶🍵，絕對係最完美既配搭。餐牌上每一個丼飯都非常吸引，經過一輪爭扎，我最後決定點「五品丼」😝 期待已久既魚生飯終於出現！😍😍 。飯前開胃既小菜必定係沙律！清甜爽口既生菜🥗 配上香甜多汁又紅彤彤既番茄🍅 再加上鮮味彈牙既蟹籽，令整個沙律色彩鮮豔 😍 最後淋上秘制醬汁，酸甜既醬汁令沙律更美味～醬汁亦同時令人胃口大開！魷魚沙律 🦑呢個係我最愛既小菜之一，由八爪魚、芝蔴同沙律醬混製而成，食落軟林林同埋幾彈牙，魷魚既味道好正，香口惹味 🦑然後
餐廳既風格充滿日本風味，店舖細小精緻，牆上有一尾栩栩如生既魚。餐牌好簡潔，一張兩面，包攬曬多款美食，有丼飯、刺身、燒物等不同選擇。
如果餐牌上既丼飯不合心意，可以自行挑選刺身配料，組成獨一無二既特色丼飯。
枱面一早佈置好，放左餐具、熱茶。而牆上有一個架，放左紙巾、醬油、牙籤等，一應俱全，非常貼心☺️
抹茶好清新，發出陣陣幽香，帶點甘苦 。而茶本身可以幫助消化，消一消濟 😌 一路食主菜，一路飲呢個抹茶🍵，絕對係最完美既配搭。
餐牌上每一個丼飯都非常吸引，經過一輪爭扎，我最後決定點「五品丼」😝 期待已久既魚生飯終於出現！😍😍 。
飯前開胃既小菜必定係沙律！清甜爽口既生菜🥗 配上香甜多汁又紅彤彤既番茄🍅 再加上鮮味彈牙既蟹籽，令整個沙律色彩鮮豔 😍 最後淋上秘制醬汁，酸甜既醬汁令沙律更美味～醬汁亦同時令人胃口大開！
魷魚沙律 🦑
呢個係我最愛既小菜之一，由八爪魚、芝蔴同沙律醬混製而成，食落軟林林同埋幾彈牙，魷魚既味道好正，香口惹味 🦑
然後再品嚐麵豉湯，個人習慣飯前飲湯。麵豉湯味道濃郁，入面放左白蘿蔔、豆腐、海帶做配料，味道更加鮮甜清新。白蘿蔔多汁入味，軟綿綿既白豆腐非常香滑～
非常吸睛既五品丼，令人垂涎三尺🤤 五品丼由五種刺身組成，當中包括厚切三文魚、油甘魚、牡丹蝦、帶子同埋海膽 😍
每片肥美既油甘魚上面都有一點點既柚子醬汁調味，令油甘魚甘加清新鮮甜。海膽帶點咸咸甜甜既海水味，鮮味獨特，令人回味 ☺️
帶子一向都係我既最愛～ 呢兩片珍寶帶子就緊係冇得彈，食得出佢有一定既質素，鮮嫩細滑，加上有一片檸檬夾係中間，香氣四溢 😋
極尚厚切三文魚腩刺身簡直係味覺享受 😋 三文魚腩十分肥美，食每一啖都充滿魚既油香，油脂分佈平均，再加上少少青芥末同埋醬油，食到我地好滿足 🤤呢一餐午餐最後埋單加一大概300 蚊。總括而言，餐廳氣氛好之餘，食物質素亦唔錯～ 我諗係喜歡食日式魚生丼朋友既天堂 😇🤤
張貼
