影片
更多
2010-09-25
31 瀏覽
18-9-2010好耐無幫襯峰壽司 (上一次都已經幾年前了: http://www.openrice.com/restaurant/commentdetail.htm?commentid=172130), 又聽聞皇室堡新店有吞拿魚料理供應, 是日 dinner 又嚟試試. 8:xx pm 嚟到當然要等位啦, 不過都係等了約 15 分鐘就有位, 星期六晚算係咁了.叫了 3 款「吞拿魚」系食物, 另劃了多款壽司填吓肚, 整體印象就只有 6 個字 --「賣返壽司算啦」:-迷你醬油漬吞拿魚丼: 漬得太酸, 亦切得太薄身, 食落魚味一般濃, 可幸正正常常; 飯底就較削, 而且有點軟撻撻, 唔啱食了.朋友食迷你蔥吞拿魚蓉丼, 試了少少竟然覺得幾有魚油香, 係無期望下的「驚喜」, 還是「隔嚟飯香」? 燒吞拿魚扒: 底部墊滿洋蔥及靈芝菇, 面頭就鋪了大量蔥絲, 賣相有點 wtf 吞拿魚肉中間仍然生生哋, 亦的確有燒過的痕跡 / 氣味, 但太熟了吧, 明明生生哋食落竟然有點嚡 不過破壞力最大絕非醬汁莫屬, 味道勁 "smoked" 又好鹹, 質地似 jam 多過 sauce, 份量仲要咁
好耐無幫襯峰壽司 (上一次都已經幾年前了: http://www.openrice.com/restaurant/commentdetail.htm?commentid=172130), 又聽聞皇室堡新店有吞拿魚料理供應, 是日 dinner 又嚟試試. 8:xx pm 嚟到當然要等位啦, 不過都係等了約 15 分鐘就有位, 星期六晚算係咁了.
叫了 3 款「吞拿魚」系食物, 另劃了多款壽司填吓肚, 整體印象就只有 6 個字 --「賣返壽司算啦」:-
迷你醬油漬吞拿魚丼: 漬得太酸, 亦切得太薄身, 食落魚味一般濃, 可幸正正常常; 飯底就較削, 而且有點軟撻撻, 唔啱食了.
朋友食迷你蔥吞拿魚蓉丼, 試了少少竟然覺得幾有魚油香, 係無期望下的「驚喜」, 還是「隔嚟飯香」?
燒吞拿魚扒: 底部墊滿洋蔥及靈芝菇, 面頭就鋪了大量蔥絲, 賣相有點 wtf 吞拿魚肉中間仍然生生哋, 亦的確有燒過的痕跡 / 氣味, 但太熟了吧, 明明生生哋食落竟然有點嚡 不過破壞力最大絕非醬汁莫屬, 味道勁 "smoked" 又好鹹, 質地似 jam 多過 sauce, 份量仲要咁多, 頭都出煙. 吞拿魚肉好哋哋俾佢咁糟質法, 真箇嗚呼哀哉, 絕不推介!
蟹棒: 印象中峰壽司的蟹棒幾好食, 呢度的亦一貫鮮甜鬆化, 配上酸酸甜甜又夠香的蛋黃醬, 好在仲有佢.
筋子: 唔係有層膜包住0架咩, 點解三文魚籽「瀉」到周圍都係 不過漬過的三文魚籽帶少少酒味, 又竟然幾鹹鮮, 比預期好唔少.
漬秋刀魚: 原來係熟的, 食落韌韌的, 漬得幾酸吓, 面頭亦又蔥又大根茸, 但仍敵不過陣陣腥氣, 真係
峰玉子: 玉子做得鬆軟清甜, 而且 serve 時仍然熱熱的, 不錯喎 不過下面咁樣夾住舊飯好似就快咇出來的樣子, 舊飯又調得太酸, 有少少敗興.
另外朋友仲劃了峰鰻魚, 鱆魟魚及「挪威三文魚」: 我無試, 無得評, 不過朋友又講到鱆魟魚「成舊擦膠咁!」, 睇怕...
蜆味噌湯: 叫嚟純為食完壽司暖暖胃, 呢個亦夠味又唔會過鹹; 蜆仔就太多沙了吧...
食物麻麻哋, 環境亦又迫又嘈, 加上店員們的散漫態度, 無興趣再來, 喊面亦唔想慳了.
每人丟低 $170, 食迴轉壽司睇怕還可以, 不過所謂「吞拿魚料理」就真係咪搞我了.
張貼
