鮨樂 (D2 Place ONE)

營業中

休息中

去過好幾次鮨樂不同既分店，多數食丼飯，今次朋友介紹去左荔枝角D2 Place鮨樂，原來有廚師發辦好有驚喜。一道目一鯛•生蠔•海鮮蛋糕好好味，視覺味覺雙重驚喜，品嚐到廚師心思，目一鯛爽口，生蠔肥美，海鮮蛋糕（江戶前玉子燒）好鬆軟鮮味。主廚值得一讚鹿身島和牛刺身，輕輕燒過，油脂輕微融，牛味更加突出，好似食緊高級牛扒。八貫壽司每件都好靚好新鮮，特別係件肥美既拖羅同肉厚既帶子。仲有秋天時節最啱食既秋刀魚，秋刀魚多數都係燒，第一次食秋刀魚刺身，真係好鮮甜，魚油味好濃郁。燒物方面白鱔、豚肉車里茄同和牛串都好出色。佢地既甲羅燒，蟹膏混合一絲蟹肉，鹹香味濃，都好好味。