聚聚 (已結業)

土瓜灣自從有地鐵站之後，交通方便了很多，今日去土瓜灣見一個好耐冇見嘅朋友，朋友介紹去了UPLACE「聚聚」食晚飯。餐前免費送咗一小杯椰子汁😋仲可以影一張即影即有照片，真係一個最舊嘅好地方，真係好貼心。二人套餐「魚米之聚」都幾多嘢食，流心雙色皮蛋伴芥末沙律花枝卷，芥末醬配花枝卷好夾，雙色皮蛋出奇地好味，估唔到薑加皮蛋係咁好食。雞樅菌鳳尾蝦蘑菇湯，有一隻大蝦，蘑菇湯又香又濃。泰露筍松露炒帶子，炒帶子用杯上台非常精緻，帶子彈牙，蘆筍爽口。嚐聚有米魚，龍蝦湯配全條魚，脆米飯放入湯裏面變成湯飯，有啲食飯焦嘅口感，夠特別，龍蝦湯滲入飯裏面更加好食，魚片食得方便，喜歡食魚頭嘅就應該更加開心。養生藥膳酥皮雞，超大塊酥皮包住下面是紅棗當歸川芎雞，咁凍嘅天氣啱晒可以補下，雞肉又滑又林，朋友話啲雞油送飯可以食兩碗飯。之後仲有杏汁杞子浸豆苗，薑米蛋白蟹肉炒飯，雖然呢個叫做二人套餐，但我覺得份量三個女仔食應該都夠。最後唔少得甜品湯丸雪梨燉桃膠，夠晒清潤。