御品·千之味 (振萬廣場)

營業中

休息中

今日想買外賣回家食，但又想健康啲，去千之味試下，門口已見一排餐牌，有刺身、壽司、定食、手打烏冬、和小食，好多選擇，外賣都可用QR CODE 落單，叫了兩個抗疫壽司餐(10件) $88，好抵。有兩件三文魚、油甘魚、白身魚、吞拿魚、赤蝦、熟蝦、蟹籽、玉子和鰻魚，赤蝦大隻肥美，好鮮甜，油甘魚，魚香味濃。另外散叫了份火炙左口魚壽司$28，外賣都有配菜，係青瓜絲，左口魚油份多加魚油香味，好食，再加一份三文魚刺身$98，厚切，油脂好多，好香。壽司餐包了飲品，選定可自助去取。等取外賣時，見原來有壽司蛋糕訂，好吸引，好過咁悶，成日食忌廉蛋糕咁悶，而且價錢$268 起，好抵喎。