影片
更多
2022-09-16
1891 瀏覽
約左朋友去銅鑼灣行街，行街前想食D嘢先，剛剛行過呢間café見到有貓頭鷹logo，我至愛嘅吉祥物，咁就不如幫襯吓佢。呢間café裡面座位唔多，環境都幾warm。職員安排我哋坐梳化位，坐得好舒服。餐牌選擇唔算話好多，但已經有自己鐘意嘅嘢食。職員好nice，細心講解同推介菜式比我哋，感覺好有heart。我哋叫左個沙律、小食、兩個main，另外兩杯飲品同一個甜品。Avocado & Salmon Salad：份量唔小，賣相一d都唔馬虎。牛油果夠熟夠淋，煙三文魚大大塊，蔬菜爽口，配埋芝麻醬就最夾。Crispy Potato Wrapped Shrimp：外層用薯仔絲包住隻蝦去炸，熱辣辣，咬落好脆，配埋旁邊千島醬食，幾好食。Red Shrimp Fettuccine Alla Vodka：三隻大紅蝦肉結實，闊條麵充滿醬汁，醬汁用伏特加加埋蕃茄醬做，食得出有酒味，調味唔錯。Blue Mussels & toast：份量好多，青口帶鮮味，醬汁係白酒加忌廉。旁邊個多士焗得好香好脆，點吓醬汁食都幾好味。Freezestyle：朋友叫左杯凍飲，賣相幾靚。佢係一個expresso嘅冰球，職員建議先倒一半牛奶
呢間café裡面座位唔多，環境都幾warm。職員安排我哋坐梳化位，坐得好舒服。
餐牌選擇唔算話好多，但已經有自己鐘意嘅嘢食。職員好nice，細心講解同推介菜式比我哋，感覺好有heart。我哋叫左個沙律、小食、兩個main，另外兩杯飲品同一個甜品。
Avocado & Salmon Salad：份量唔小，賣相一d都唔馬虎。牛油果夠熟夠淋，煙三文魚大大塊，蔬菜爽口，配埋芝麻醬就最夾。
Crispy Potato Wrapped Shrimp：外層用薯仔絲包住隻蝦去炸，熱辣辣，咬落好脆，配埋旁邊千島醬食，幾好食。
Red Shrimp Fettuccine Alla Vodka：三隻大紅蝦肉結實，闊條麵充滿醬汁，醬汁用伏特加加埋蕃茄醬做，食得出有酒味，調味唔錯。
Blue Mussels & toast：份量好多，青口帶鮮味，醬汁係白酒加忌廉。旁邊個多士焗得好香好脆，點吓醬汁食都幾好味。
Freezestyle：朋友叫左杯凍飲，賣相幾靚。佢係一個expresso嘅冰球，職員建議先倒一半牛奶，慢慢等冰球溶，最後先倒埋另一半，咖啡味慢慢滲出，越飲越濃，加埋棉花糖一齊食，苦中帶甜，幾特別。
Black Sesame latte：呢個係熱飲，黑芝麻味超濃，仲幫佢拉花添，又睇得又飲得，滿分。
Baked Gluten Free Brownie：擺盤靚，旁邊有紅莓同藍莓做伴碟。我都係第一次食無麩質嘅Brownie，口感比較軟，唔太甜，朋友好like。
張貼
