石屋咖啡冰室

營業中

休息中

趁着假期最後一日，相約好友去食個brunch。朋友建議去九龍城一間石屋餐廳。我同朋友都係第一次嚟，我11點幾嚟到，餐廳戶外已經坐滿左人，唯有入餐廳內部搵位坐低先。朋友稍後到，見到出邊有位，便出去戶外用餐。我哋分別叫咗兩個午餐，水煮蛋配煙三文魚火腿併英式鬆餅雜菜沙律，飲品叫咗鮮奶咖啡。用刀一切，蛋液慢慢流落三文魚，做到流心效果。沙律菜一般並唔係十分爽脆，如果配黑醋橄欖油就會好好多。咖啡拉花很好看，咖啡也香口入口不錯。好友則叫咗手撕豬肉漢堡配薯條配伯爵茶。朋友話豬肉都算嫩滑，唔算乾身，配上BBQ汁醬個人覺得有少少墨西哥風味。雖然戶外用餐只不過係一塊空地加太陽傘同埋戶外座椅，但可以喺鬧市如九龍城入邊有呢個咁嘅空曠地方，可以説係城市中嘅綠洲，放假嚟呢度用膳感到很寫意輕鬆。