影片
更多
2018-12-17
575 瀏覽
係銅鑼灣行完街又凍冰冰想食返d熱野，中菜係一個不錯的選擇。餐廳名叫咖啡屋，實情主打私房菜，仲幾抵食。店員幾有禮貌，有問必答仲要係秒答，完全感受到佢地對菜式的熟悉。食物款式有太多，在選擇困難的情況下點了二人餐，全部野都幾啱食，勝在唔洗煩。首先來的是餐湯，花生眉豆豬骨湯，都算老火，豬骨豬肉都煲到好入味，融化晒，花生同眉豆咬落去充滿湯汁。小食是花雕醉鴨舌，就咁聞已經好大陣花雕香味，入口更是爽脆，作為小食份量都幾多，一口一粒，細細粒但好多粒。稻庭烏冬帶子可以當冷盤咁食，烏冬彈牙煎帶子又大隻又甜，淋上特製的芝麻醬，香得來帶點芥辣，份量唔算大，唔怕食烏冬食飽。安格斯牛柳粒的牛柳肥瘦剛好，肉汁滿滿，鑊氣好夠。不得吹奏一下作為配菜的冬菇，鑊氣比牛柳粒更強，吸收了肉汁和醬汁精華的冬菇可謂妹仔大過主人婆，香氣在口中繞樑三日。上湯杞子芥膽，清而不淡的一道菜，芥膽切到可乾淨，基本上得返最嫩的芯才放碟上菜，芥膽甜而不澀，好嫩滑。炸蒜杞子等配料為芥膽錦上添花。跟餐以外叫的椒鹽鮮魷，用籃裝住好有特色，魷魚炸得鬆化，魷魚新鮮爽口彈牙，食多幾塊都唔覺滯。臘味糯米飯係餐廳招牌菜之一，糯米粒粒分明，煙韌不粘牙，加上臘腸臘肉
係銅鑼灣行完街又凍冰冰想食返d熱野，中菜係一個不錯的選擇。餐廳名叫咖啡屋，實情主打私房菜，仲幾抵食。
店員幾有禮貌，有問必答仲要係秒答，完全感受到佢地對菜式的熟悉。
食物款式有太多，在選擇困難的情況下點了二人餐，全部野都幾啱食，勝在唔洗煩。
首先來的是餐湯，花生眉豆豬骨湯，都算老火，豬骨豬肉都煲到好入味，融化晒，花生同眉豆咬落去充滿湯汁。
小食是花雕醉鴨舌，就咁聞已經好大陣花雕香味，入口更是爽脆，作為小食份量都幾多，一口一粒，細細粒但好多粒。
稻庭烏冬帶子可以當冷盤咁食，烏冬彈牙煎帶子又大隻又甜，淋上特製的芝麻醬，香得來帶點芥辣，份量唔算大，唔怕食烏冬食飽。
安格斯牛柳粒的牛柳肥瘦剛好，肉汁滿滿，鑊氣好夠。不得吹奏一下作為配菜的冬菇，鑊氣比牛柳粒更強，吸收了肉汁和醬汁精華的冬菇可謂妹仔大過主人婆，香氣在口中繞樑三日。
上湯杞子芥膽，清而不淡的一道菜，芥膽切到可乾淨，基本上得返最嫩的芯才放碟上菜，芥膽甜而不澀，好嫩滑。炸蒜杞子等配料為芥膽錦上添花。
跟餐以外叫的椒鹽鮮魷，用籃裝住好有特色，魷魚炸得鬆化，魷魚新鮮爽口彈牙，食多幾塊都唔覺滯。
臘味糯米飯係餐廳招牌菜之一，糯米粒粒分明，煙韌不粘牙，加上臘腸臘肉，更令糯米更香更惹味。臘味都幾瘦，個人中意食瘦d的臘味，唔洗食到一口油吖嘛。
最後來的糖水是薑湯芝麻湯圓，咬開芝麻就流心咁流出來了，薑湯驅寒微辣，食完感覺暖了不少。
張貼
