泰好記

營業中

休息中

一入到去，招乎既店員似係泰國人，感覺食物應該會好有泰風，價錢都性價比，亦有套餐可選。豬頸肉沙律份量好充足，豬頸肉好彈牙，沙律好入味又有泰風果，入面青瓜、蕃茄等等，酸甜開胃，十分惹味，值得一試。冬陰功海鮮湯(小)冬陰功入面有5-6隻彈牙既蝦仁，仲有秀珍菇，泰國嘅冬陰功香料，湯底味道唔算太辣，酸酸地咁開胃易入口。泰式乾炒海鮮河入面有魷魚，蝦仁，青口，芥蘭等，食得到有d鑊氣既香味，重點係唔會太油，香可又飽肚。黃咖喱雞諗住叫黎配蒜蓉包，咖喱唔算好辣，薯仔就一般，雞肉嫩滑蒜蓉包蒜蓉包充滿牛油香，上面都有大大粒嘅蒜頭，夠晒邪惡，仲好脆添丫♥️椰汁沙冰椰汁沙冰好大杯，解渴又解辣，又唔會好甜，岩我口味。椰汁珍多冰朋友叫既，好香椰汁味，又唔會死甜。加埋有煙煙韌韌嘅彩色粉條，好好飲。