Garden Bar & Restaurant

營業中

休息中

尖沙咀搵間可以慢慢坐下食下，環境唔錯又唔多人的餐廳，依間正合我意。餐廳地方闊落燈光柔和，仲有兩處打卡位可呃like。而美食選擇多元化，明明西式餐廳竟然有日式小食，好奇怪，不過好味就得了~鱈魚乾 $38鱈魚乾鬆脆香口，啖啖鮮味，一片接一片真的停不了口。日式炸豆腐 $48豆腐炸得金黃酥脆入口即化，索晒醬汁，與木魚花一起食，一件一口鮮味滿足。乳豬腩片配欖油蒜蓉辣椒意大利麵 $108意粉份量唔少，粉條較粗口感軟硬適中，充滿蒜香味。乳豬腩片肥瘦均勻肉嫩，整體味道唔錯。法式香烤蝴蝶春雞 $168雞肉肉質非常嫩滑好juicy，熟度剛好咬落一啲都唔un，雞皮塗上的醬汁更是超美味。伴碟粗薯條炸得一點都唔油膩，食落唔熱氣。Before 12 $48味道似有氣檸檬汽水，好易入口，杯邊掛住檸檬皮作裝飾之餘，每次飲都聞到清香的檸檬味。 Happy Ending $48友人一聽個名就點左，以菠蘿汁、青檸汁及梳打水調配，底部有熱情果肉，味道非常清新，果然有種happy ending感覺。