怡興

營業中

休息中

灣仔駱克道街市原來有好野食，平靚正，材料新鮮，無欺場，次次5，6個人，食到好飽，都唔駛$40，係灣仔，邊度揾咁抵嘅野食。不過，你要環境當然無得要求，如果唔鐘意大排檔feel嘅，就唔啱你。提提大家，佢星期日唔開。特別推介依間打冷，次次都會叫鹵水鵝，豬紅，咖喱雞翼。豬紅:好入味，唔散，粒粒都咁大粒，材料靚。咖哩雞尸翼:就咁睇相都知道入味，薯仔粒粒都咁霖，唔會有硬薯仔出現。次次我地都搶薯仔食。今次第1次叫豬耳，麻麻地，切得太粗，唔夠霖，麻麻地，唔會再叫。到主角出場，超好味鹵水鴨，4人左右份量，只需40幾蚊，邊度揾。鴨好新鮮，好夠肉，唔肥，入味，我地次次都叫。