影片
更多
2025-05-05
0 瀏覽
行街見到呢間好多人講嘅燒肉店，就去咗試吓！入嚟環境好好，座位都好闊落。我哋嗌咗一個雙人餐，一入到去就會上好多前菜，有生菜可以俾你包住牛肉食，亦有啲沙律薯仔等等，可以俾你開咗個味蕾先🤤牛肉海帶湯海帶味超重，飲落去好舒服唔會太鹹，食完燒肉可以攞嚟解膩。份量好多，大概有4-5碗！白蘑菇香口多汁，配埋牛肉食一流！特色蝦肉腸平時冇食過呢一種腸，一開始係軟腍腍，但係燒完就會變到脆卜卜，食落超級多汁，勁香，反而呢個腸真係估唔到咁好食！香翁鳳梨牛扒擺盤好靚，雖然牛扒相對會韌身少少，但係換來嘅係更濃嘅牛味，而且隔離仲會有原塊嘅菠蘿俾你燒嚟配住食，菠蘿嘅甜味同牛扒相容～老太太特色肥牛/瘦牛呢兩隻都係相對薄切嘅牛，所以食落去更加有種入口即溶嘅感覺，我自己就最鍾意食呢兩隻，加埋本身條配好嘅芝麻醬，值得encore！冰糖山楂本身自己唔係好鍾意食好甜嘅嘢，但係呢個冰糖山楂食落去真係冇想像中咁甜，都幾有驚喜的！總括嚟講價錢絕對對得上個質素，同價位嘅燒肉嚟比真係好高質😋
行街見到呢間好多人講嘅燒肉店，就去咗試吓！入嚟環境好好，座位都好闊落。我哋嗌咗一個雙人餐，一入到去就會上好多前菜，有生菜可以俾你包住牛肉食，亦有啲沙律薯仔等等，可以俾你開咗個味蕾先🤤
牛肉海帶湯
海帶味超重，飲落去好舒服唔會太鹹，食完燒肉可以攞嚟解膩。份量好多，大概有4-5碗！
白蘑菇
香口多汁，配埋牛肉食一流！
特色蝦肉腸
平時冇食過呢一種腸，一開始係軟腍腍，但係燒完就會變到脆卜卜，食落超級多汁，勁香，反而呢個腸真係估唔到咁好食！
香翁鳳梨牛扒
擺盤好靚，雖然牛扒相對會韌身少少，但係換來嘅係更濃嘅牛味，而且隔離仲會有原塊嘅菠蘿俾你燒嚟配住食，菠蘿嘅甜味同牛扒相容～
老太太特色肥牛/瘦牛
呢兩隻都係相對薄切嘅牛，所以食落去更加有種入口即溶嘅感覺，我自己就最鍾意食呢兩隻，加埋本身條配好嘅芝麻醬，值得encore！
冰糖山楂
本身自己唔係好鍾意食好甜嘅嘢，但係呢個冰糖山楂食落去真係冇想像中咁甜，都幾有驚喜的！
總括嚟講價錢絕對對得上個質素，同價位嘅燒肉嚟比真係好高質😋
張貼
