影片
更多
2025-06-08
252 瀏覽
荃灣西搵到呢間法國餐廳，餐廳外國人開，舒服嘅環境十足係外國食飯一樣，餐廳仲會定期更新餐牌保持住新鮮感。今晚叫左個二人餐，套餐已經包左餐湯+麵包湯係煙肉忌廉西蘭花湯配左個幾鬆軟嘅牛油餐包頭盤: 法式點心拼盤 +$35雖然只係頭盤，但係非常豐富。蛋批好香奶同蛋香味，細細粒入口香得黎又酥。脆曲奇餅面嘅芝士撻流心食起上黎有少少膩。最特別係有新鮮雅枝竹配雅枝竹醬，味道甘甘地少少甜香味，聽講好有益。另外仲有煙三文魚片同炸辣蟹肉球，食完拼盤都已經有少少飽肚頭盤: 香煎帶子半煎熟嘅帶子配左個青豆薄荷蓉，帶子都大粒幾新鮮，個青豆蓉幾特別唔覺得有草青味，可能係因為薄荷個香味夠清新主菜: 黑豚帶骨豬鞍 +$65豬鞍份量相當大，蜜糖芥末醬燒燒得表面好脆口，切開後熟度岩岩好，肥瘦都幾均勻，咬落肉質都仲係好有彈性同軟稔，芥末醬個味道會有一種解膩嘅感覺，另配菜有青邊豆同蕃薯蓉，蕃薯蓉口感都好棉滑而且味道好甜。主菜: 阿根廷安格斯肉眼牛扒 +$50牛扒份量應該大概有200G左右，都幾厚身。叫左medium熟，個表面封煎得幾靚，切開仲係粉紅色嘅肉色好靚。肥瘦幾平均幾嫩幾有肉香，另外仲有炸薯條，不過薯條如果炸脆少少就更加
荃灣西搵到呢間法國餐廳，餐廳外國人開，舒服嘅環境十足係外國食飯一樣，餐廳仲會定期更新餐牌保持住新鮮感。
今晚叫左個二人餐，套餐已經包左餐湯+麵包
湯係煙肉忌廉西蘭花湯配左個幾鬆軟嘅牛油餐包
頭盤: 法式點心拼盤 +$35
雖然只係頭盤，但係非常豐富。蛋批好香奶同蛋香味，細細粒入口香得黎又酥。脆曲奇餅面嘅芝士撻流心食起上黎有少少膩。最特別係有新鮮雅枝竹配雅枝竹醬，味道甘甘地少少甜香味，聽講好有益。另外仲有煙三文魚片同炸辣蟹肉球，食完拼盤都已經有少少飽肚
頭盤: 香煎帶子
半煎熟嘅帶子配左個青豆薄荷蓉，帶子都大粒幾新鮮，個青豆蓉幾特別唔覺得有草青味，可能係因為薄荷個香味夠清新
主菜: 黑豚帶骨豬鞍 +$65
豬鞍份量相當大，蜜糖芥末醬燒燒得表面好脆口，切開後熟度岩岩好，肥瘦都幾均勻，咬落肉質都仲係好有彈性同軟稔，芥末醬個味道會有一種解膩嘅感覺，另配菜有青邊豆同蕃薯蓉，蕃薯蓉口感都好棉滑而且味道好甜。
主菜: 阿根廷安格斯肉眼牛扒 +$50
牛扒份量應該大概有200G左右，都幾厚身。叫左medium熟，個表面封煎得幾靚，切開仲係粉紅色嘅肉色好靚。肥瘦幾平均幾嫩幾有肉香，另外仲有炸薯條，不過薯條如果炸脆少少就更加好
Wine：
Comtesse Malet de Roquefort $90
叫左杯波爾多紅酒，果香口感幾厚帶少少果甜味唔會太過Dry，入門想淺嚐紅酒呢支紅酒應該CP值最高
Château du Cros, Loupiac $80
朋友叫左呢杯甜白酒，佢話好岩唔太飲酒嘅女仔飲，因為好甜好香好易入口，不過好易會醉😂
張貼
