影片
更多
2023-02-24
293 瀏覽
終於終於，情人節可以堂食 😍 所以我覺得要好好紀錄呢一餐 🤩 為左呢餐堂食，其實坐左好多 research～ 本來唔係 book 呢度，但因為本身 book 的餐廳坐地起價 🙈 所以輾轉之下先至book咗呢度嚟食，$628 兩位再加一，原本期望唔算太大，但估唔到 CP 值都幾高，難怪當晚食客真係車輪轉咁樣 😂Soup: Truffle Oyster Soup & Tomato Soup with Basil Oil坦白講，湯係全餐飯嘅敗筆 🙈 開頭見佢用壺倒入去覺得好得意啦，點知… … 蠔湯係好香黑松露，但蠔有少少腥，好似飲緊中湯咁 😂 番茄湯鹹到苦，完全搞唔掂 😑 其實一開始飲左呢兩個湯個心真係涼咗半截 😨 心諗湯都咁樣之後 d 野點算好啊 😂 好彩小食開始就正常發揮，有 d 仲有驚喜添 👍🏻Appetizers: Salmon Gravlax with Orange, Rocket & Green Pea with Cream Cheese Filo Cups三文魚好香，又唔鹹，配埋橙肉好 fresh；芝士杯 d cream cheese 好香濃 😍 完全有唔夠喉嘅感覺 😋Main
Soup: Truffle Oyster Soup & Tomato Soup with Basil Oil
坦白講，湯係全餐飯嘅敗筆 🙈 開頭見佢用壺倒入去覺得好得意啦，點知… … 蠔湯係好香黑松露，但蠔有少少腥，好似飲緊中湯咁 😂 番茄湯鹹到苦，完全搞唔掂 😑 其實一開始飲左呢兩個湯個心真係涼咗半截 😨 心諗湯都咁樣之後 d 野點算好啊 😂 好彩小食開始就正常發揮，有 d 仲有驚喜添 👍🏻
Appetizers: Salmon Gravlax with Orange, Rocket & Green Pea with Cream Cheese Filo Cups
三文魚好香，又唔鹹，配埋橙肉好 fresh；芝士杯 d cream cheese 好香濃 😍 完全有唔夠喉嘅感覺 😋
Mains: Roasted French Quail with Sautéed Lentil Bean (+$48) & Seafood Skewers
鵪鶉個皮燒得好香，肉質嫩又Juicy，完全唔需要 sauce 都已經好好味，不過份量就細咗少少，又係唔夠喉啊 🙈 海鮮串有三文魚、蝦同鮑魚，全部都處理得好好 👍🏻 三文魚厚身但嫩滑，魚油滿滿 🤤 蝦就爽口彈牙，個醬好惹味！鮑魚處理得好好，完全煙韌 🤩 配菜嘅甜椒同茄子都唔錯，佢仲有BBQ醬同埋海鮮辣醬，仲有個包跟埋，成set嘢勁豐富 😍
Desserts: Love Berry & Dolce De Lava
莓果蛋糕酸酸地又唔太甜，朱古力心太軟就夠曬香濃，情人節感滿滿又打卡度滿分 🫶🏻
個餐仲跟左一人一杯紅白酒或者 Sparkling，我地就揀左 Sparkling，雖然品酒我地就唔係太識，不如杯酒入口都幾順 🥂
作為情人節套餐 CP 值真係頗高，食物擺盤又靚，餐廳又有佈置，真係好令人滿足 😍 美中不足嘅係，可能當晚比較多人，侍應都有 d 應付唔到，係咁上菜但無人收碟 😂 同埋音樂稍為大聲左少少，有 d 難傾計 🙈
張貼
