大叻越南牛肉粉餐廳 (書局街)

營業中

休息中

呢度地點好方便，一出地鐵站對面就到。雖然我地唔係住呢頭，但係都成日搭電車過嚟攞外賣。因為我哋見到個鋪面都好迫好細，坐得唔舒服所以寧願攞返屋企食。我就最鍾意呢度嘅香茅豬扒撈檬，而我老婆就最鍾意呢度嘅炭燒豬頸肉飯。呢度嘅香茅豬扒飯唔會好似出面咁乾爭爭，而係啲肉質好林，而且煮得好入味。另外加少少錢仲可以加多兩個春卷，如果趕得切短時間內返到屋企食，其實佢都仲可以好脆，裏面亦都好足料，所以我每一次都一定會加錢食春卷。