點心到 MIX·大排檔

營業中

休息中

講真呢段時間真係唔想去啲人多擠迫嘅地方食嘢，但係你又想嘆番一盅兩件，真係可以選擇點心到啦。講真啲點心真係幾好食，又有啲新款嘢食下，睇吓我介紹俾你嘅嘢啦！黑金流沙包 呢一個流沙包真係非常之有特色，同埋我喺第二間分店食過，都係保持水準嘅！流沙奶黃流出來，又唔太甜，剛剛好，咁所以我都唔識講食過你就知，最緊要佢係即叫即蒸，正！山竹牛肉球哇呢個做得好大粒，而且軟硬適中，牛肉味都好重，如果你知道山竹牛肉其實係夾左豬肉落去蒸㗎啦，咁呢個叫做牛肉個感覺比較重啲都食得好開心呀！乾炒牛河真係特別推介呢個乾炒牛河，佢啲牛肉好厚，好有咬口，有時你喺其他地方食呢啲牛肉，冧到都唔似牛肉又薄切切，最重要乾炒牛河嘅靈魂就係，夠！鑊！氣！同埋加返一碟辣椒醬，咁接住落嚟梗係河粉啦！河粉又唔會話林都斷晒，又唔會話硬轟轟咁，所以呢個乾炒牛河係非常之好食！叉燒腸粉唔係講笑呢間舖頭啲腸粉薄得來夠煙韌，叉燒有好多，最重要呢個豉油都幾好食，唔係講笑，所以都係隆重推介呢一個點心俾大家！蝦餃皇蝦餃嘅靈魂好簡單皮薄餡靚蝦彈牙，完！😄😄😄😄做到野啊！鮮蝦燒賣唔使講啦有圖有真相你睇吓嗰隻燒賣一個蝦幾大隻，同埋用既豬肉應該係手切，唔係機攪爛，所