影片
更多
2023-05-22
348 瀏覽
雖然唔係咩特別日子，但係想慰勞自己都會食餐好啲。最近就去咗銅鑼灣嘅Amis食fine Dining。餐廳每個月都有唔同嘅Menu，有分5 courses或者8 courses。餐廳嘅食物係主打日本法國fusion菜。一上嚟會有餐廳自己整嘅牛油同麵包，其中一款係香草牛油而另一款係焦糖牛油，味道非常特別好適合搽麵包。第一個course係amuse bouche ，包括三款頭盤小食。螢光墨魚，用咗芝麻醬調味，而內臟會喺口入邊爆出嚟呢個體驗都幾特別。另外一個就係類似印度小食嘅炸波波、入面加咗芝士同蕃茄，味道不錯。而最後一個係里芋茸用分子料理嘅方式去呈現，再加上白松露油非常香滑。第二個course係漬鯖魚，加高湯啫喱，鯖魚味道偏濃，幾鮮味。第三個course係牡丹蝦他他配魚子醬，蝦頭另外用咗天婦羅形式去整。蝦肉他他非常鮮甜，天婦羅蝦頭味道香又脆，推介。第四個course係白蘆筍配即磨松露、Chef 會喺你面前即場刨松露、一啲都唔吝嗇。另外搭配荷蘭醬有非常多層次。第五個course係鮑魚蛋麵、鮑魚炆到好霖、而啲高湯已經掛晒喺啲蛋麵入邊，味道非常濃郁。非常推介第六個course係乾邑龍蝦湯，wait
一上嚟會有餐廳自己整嘅牛油同麵包，其中一款係香草牛油而另一款係焦糖牛油，味道非常特別好適合搽麵包。
第一個course係amuse bouche ，包括三款頭盤小食。螢光墨魚，用咗芝麻醬調味，而內臟會喺口入邊爆出嚟呢個體驗都幾特別。另外一個就係類似印度小食嘅炸波波、入面加咗芝士同蕃茄，味道不錯。而最後一個係里芋茸用分子料理嘅方式去呈現，再加上白松露油非常香滑。
第二個course係漬鯖魚，加高湯啫喱，鯖魚味道偏濃，幾鮮味。
第三個course係牡丹蝦他他配魚子醬，蝦頭另外用咗天婦羅形式去整。蝦肉他他非常鮮甜，天婦羅蝦頭味道香又脆，推介。
第四個course係白蘆筍配即磨松露、Chef 會喺你面前即場刨松露、一啲都唔吝嗇。另外搭配荷蘭醬有非常多層次。
第五個course係鮑魚蛋麵、鮑魚炆到好霖、而啲高湯已經掛晒喺啲蛋麵入邊，味道非常濃郁。非常推介
第六個course係乾邑龍蝦湯，waiter會喺你面前倒入龍蝦湯再噴上乾邑，加咗好特別嘅酒味同花香味。龍蝦湯非常濃郁，而龍蝦肉非常彈牙。
Main course 可以自己三選一，而我哋就叫咗鹿兒島和牛同西班牙紅蝦意粉。
鹿兒島和牛有兩個部位、兩個位置都非常軟霖。搭配自家製芝麻黑椒醬非常惹味。
西班牙紅蝦意粉嘅紅蝦非常大隻，鮮甜而肉質都好緊緻。意粉嘅調味都好好食。
第七個course係喺你面前調製嘅一杯Cocktail，可以清下palette，菠蘿汁再加薑汁意外地非常清爽。
第八個course係甜品加petit four，甜品係長崎蛋糕加雪糕，唔會太甜。而個人更加鍾意petit four，兩款朱古力都喜出望外，自己更鍾意圓錐形嘅熱情果朱古力。
整體餐廳嘅Service同環境都好高級，食材、味道、擺盤都above expectation。如果遇到其他特別日子都會再嚟食。
張貼
