海南少爺 (已結業)

之前沒有堂食，試過外賣星馬餐廳《海南少爺》返屋企食，已經覺得佢啲海南雞好高質。喺海港城行街，餐廳門口寫住有88折，就入去食個晚飯～✰海南雞飯拼海鮮喇沙 $138樣樣都想試吓，呢個拼盤有兩樣我最想試。海南雞肉份外軟滑，雞皮爽薄，呈淺黃色的油飯香氣十足且不會覺得肥膩。迷你版喇沙，湯汁香濃，蝦爽口彈牙～✰菠蘿蜜山渣糖醋肉排 $158今次唔係罐頭菠蘿，係用大樹菠蘿，估唔到係夾咁入味。肉排肥瘦適中，山楂糖醋汁非常濃郁~✰星洲蠔餅 $118有驚喜，外邊煎到好脆口，咬開看到白滑的蠔粒，蠔餅熱燙燙，香口中帶層次感～✰新加坡番薯喳喳 $68有西米、蕃薯、芋丸等，口感豐富，味道香甜濃厚～