OPPA Coffee Bar Restaurant

營業中

休息中

今日去咗尖沙咀食韓國嘢。經過呢條韓國食街，都唔知食邊樣好，但係見到呢間餐廳有啲好特別嘅熔岩炒飯。所以我哋坐低咗，一落單小姐即刻過嚟幫我哋。我哋要咗一個火腿蛋漿熔岩炒飯。首先用雞蛋🥚加芝士🧀鋪喺啲炒飯上邊。跟住就用火燒啦，啲火大到我相機都要褪後影😌😉餐廳呢位小姐應該係熟能生巧，做得非常之純熟。而且呢度嘅服務員都非常之有禮貌，而且座位非常闊落坐落去非常舒適。跟住我哋點咗一個湯是韓式鮮蜆湯，超級多蜆。而且仲有年糕，同埋韓式蘿蔔絲，兩個人飲真係飲唔晒。同埋我覺得呢間餐廳非常之有韓式潮流，有正宗韓國風味。