影片
更多
2025-03-19
400 瀏覽
👧🏻同朋友喺中環Bar Hopping前緊係要先醫肚仔，今次就搵咗位於行人扶手天橋附近嘅一間韓式快餐店- Bibigo Bapsang ，餐廳提供少量堂食座位。以中環物價嚟講，佢哋嘅四人套餐物超所值，仲要好好味，絕對推介大家一試！今次就叫咗一份四人套餐share食，套餐已包括四份主食、韓式小菜、辣炒年糕、炸紫菜粉絲卷、炸雞、甜品同飲品，都只係$235，就算部份食物需要另外加錢，都係相當抵食！🌟韓式烤牛肉雜菜炒粉絲平時坊間食韓式炒粉絲，都可能比較油膩，但呢度嘅粉絲算炒得乾爽，質感同樣煙靭。混入唔少牛肉同椰菜🥬、紅蘿蔔絲，口感豐富。🌟韓式烤牛肉飯用上肥牛、洋蔥絲，同平時食開嘅日式，用鰹魚、料理酒所煮嘅日式牛肉飯，風味有啲唔同。🌟韓式拌飯韓式拌飯醬已經均勻地沾上每粒米飯上，甜甜辣辣。面層再放上不少紫菜、泡菜、蔥花、雞蛋🥚，撈勻食就正。🌟炸豬肉泡菜餃子除咗飯麵類，原來仲有炸泡菜餃子🥟！餃子炸到全金黃，餡料滿滿。🌟辣炒年糕長條形嘅年糕沾滿甜辣醬汁，夠曬煙韌。仲可以選擇加上片裝芝士🧀！醬汁對👧🏻嚟講就辣咗少少🤏，如果少辣啲一定會更好味🤣。🌟紫菜粉絲卷紫菜先包住粉絲，再蓋上粉漿再炸，香脆可口，唔洗點
今次就叫咗一份四人套餐share食，套餐已包括四份主食、韓式小菜、辣炒年糕、炸紫菜粉絲卷、炸雞、甜品同飲品，都只係$235，就算部份食物需要另外加錢，都係相當抵食！
🌟韓式烤牛肉雜菜炒粉絲
平時坊間食韓式炒粉絲，都可能比較油膩，但呢度嘅粉絲算炒得乾爽，質感同樣煙靭。混入唔少牛肉同椰菜🥬、紅蘿蔔絲，口感豐富。
🌟韓式烤牛肉飯
用上肥牛、洋蔥絲，同平時食開嘅日式，用鰹魚、料理酒所煮嘅日式牛肉飯，風味有啲唔同。
🌟韓式拌飯
韓式拌飯醬已經均勻地沾上每粒米飯上，甜甜辣辣。面層再放上不少紫菜、泡菜、蔥花、雞蛋🥚，撈勻食就正。
🌟炸豬肉泡菜餃子
除咗飯麵類，原來仲有炸泡菜餃子🥟！餃子炸到全金黃，餡料滿滿。
🌟辣炒年糕
長條形嘅年糕沾滿甜辣醬汁，夠曬煙韌。仲可以選擇加上片裝芝士🧀！醬汁對👧🏻嚟講就辣咗少少🤏，如果少辣啲一定會更好味🤣。
🌟紫菜粉絲卷
紫菜先包住粉絲，再蓋上粉漿再炸，香脆可口，唔洗點醬汁都覺得冇問題。
🌟韓式甜辣拼蒜香醬油炸雞
炸雞有得揀式純甜辣醬/純蒜香醬油/Half Half，非常貼心。炸雞雞肉嫩滑唔鞋口，兩款醬汁都惹味。
🌟鯽魚餅
迷你既鯽魚餅一份有6粒，同樣可以Half Half吉士同朱古力🍫味。蛋糕仔外層有啲脆，內層吉士醬比較濃稠，整體甜度唔高，朱古力味仲估唔到幾濃郁。
🌟果醋梳打
跟餐包埋飲品，部分飲品，例如酒類同鮮奶咖啡等就需要額外加錢，至於果醋梳打就係免費～有齊石榴同菠蘿🍍味，石榴酸酸地又冇藥水味，至於菠蘿夠曬清新唔會太甜。
張貼
