影片
更多
2022-09-10
117 瀏覽
******************************食物s：(設加一服務費)🍗半半炸雞 ($168)食韓國菜點可以唔點炸雞呢❓好貪心咁想試多款口味 所以揀咗"半半"有一半原味同一半甜辣口味呢度嘅炸雞真係好有水準 外層炸得香脆 口感一流內層鎖得住肉汁 肉質又唔會鞋特別鐘意甜辣炸雞 甜甜辣辣咁 超級惹味呢❣️🦑酥炸魷魚鬚+年糕湯套餐 ($158)呢個套餐真係超級抵食❣️有大大碟炸魷魚鬚 仲有跟一碗年糕湯年糕湯係典型韓式甜辣風味 都幾辣下不過辣得好過癮 索住鼻水咁食 好正呀🤣年糕口感夠煙韌 索埋年糕湯汁好入味炸魷魚鬚新鮮炸起 夠晒熱同脆調味亦好充足 點埋沙律醬食真係一大享受特別鍾意食個頭 好有咬口呢碟實在太啱我口味 食到停唔到口😋🧀芝士雞蛋卷 ($128)呢個蛋卷又係不得了❣️份量十足 賣相又靚一切開 就瘋狂拉絲 拉到企埋起身都未肯斷🙈最後頂唔順一野剪斷咗佢🤣 連隻碟都一大PAT芝士 勁邪惡呀🤪其實我係今次係第一次食韓式蛋卷估唔到原來咁好食 蛋卷煎得夠熱蛋香味十足 食落係實實在在嘅雞蛋感覺面上淋上多重醬汁 甜甜哋同個蛋卷十分夾😍🐷燒五花腩肉 ($198)繼續重口味之選😛五花腩個邊燒得好香脆
食物s：(設加一服務費)
🍗半半炸雞 ($168)
食韓國菜點可以唔點炸雞呢❓
好貪心咁想試多款口味 所以揀咗"半半"
有一半原味同一半甜辣口味
呢度嘅炸雞真係好有水準
外層炸得香脆 口感一流
內層鎖得住肉汁 肉質又唔會鞋
特別鐘意甜辣炸雞 甜甜辣辣咁 超級惹味呢❣️
🦑酥炸魷魚鬚+年糕湯套餐 ($158)
呢個套餐真係超級抵食❣️
有大大碟炸魷魚鬚 仲有跟一碗年糕湯
年糕湯係典型韓式甜辣風味 都幾辣下
不過辣得好過癮 索住鼻水咁食 好正呀🤣
年糕口感夠煙韌 索埋年糕湯汁好入味
炸魷魚鬚新鮮炸起 夠晒熱同脆
調味亦好充足 點埋沙律醬食真係一大享受
特別鍾意食個頭 好有咬口
呢碟實在太啱我口味 食到停唔到口😋
🧀芝士雞蛋卷 ($128)
呢個蛋卷又係不得了❣️份量十足 賣相又靚
一切開 就瘋狂拉絲 拉到企埋起身都未肯斷🙈
最後頂唔順一野剪斷咗佢🤣
連隻碟都一大PAT芝士 勁邪惡呀🤪
其實我係今次係第一次食韓式蛋卷
估唔到原來咁好食 蛋卷煎得夠熱
蛋香味十足 食落係實實在在嘅雞蛋感覺
面上淋上多重醬汁 甜甜哋同個蛋卷十分夾😍
🐷燒五花腩肉 ($198)
繼續重口味之選😛
五花腩個邊燒得好香脆 入口有油香味
但食落又唔會覺得好有肥膩感
豬腩肉夠厚身 食落口感唔錯
醬汁亦好惹味 整體感覺都幾好食
🥘魚餅湯 ($158)
終於有番碟相對清啲嘅野食 調味適中
食其他野太刺激時可以飲返啖 沖淡返味覺
呢碗湯都好足料㗎 有大量大豆芽菜同魚餅
食落類似魚蛋嘅味道 清清哋又幾好食
******************************
環境：
全場有幾個大電視 播住韓國歌MV 好有韓味
但歌曲重覆性有點大 可能有人會覺得有少少嘈
好在當日係長假期第一日 心情極好😂
店內大部份位置都係卡位 坐得都尚算舒服
環境就算不過不失咁啦
******************************
小結：
呢間韓國連鎖餐廳 質素又幾唔錯
全部野食都好啱我口味 食物份量亦好大
我食完忍唔住都推介咗俾幾個朋友
門口個姐姐(定老闆娘?)幾nice 仲識同我哋講下笑
整體感覺幾好 下次想食韓國野有機會會再encore
為食指數：8.8/10
性價比：8.5/10
環境舒適度：7/10
7 瀏覽
0 讚好
0 留言
6 瀏覽
0 讚好
0 留言
8 瀏覽
0 讚好
0 留言
14 瀏覽
0 讚好
0 留言
張貼
