川川辣辣

營業中

休息中

唔食得辣又鍾意食辣嘅我，間唔中都會食下川菜過下口癮，坊間咁多川式餐廳🍴，又係唔係間間都啱我口味呢，原來最好嘅永遠都係在附近，樓下頌富商場呢間川川辣辣，平時經過都忍唔住停低觀賞下個餐牌，睇吓有咩啱食，見到個酸菜魚真心覺得好吸引，今晚收工專登過嚟食，其實都真係好多選擇，不過首先都係揀佐一份例牌酸菜魚先，雞煲都好似好正咁，又叫佐半隻，炸饅頭冇可能唔嗌埋，配多兩碗白飯，再加杯紅豆冰同豆漿，未食先興奮🥰，酸菜魚好快上枱，例牌份量都咁多，唔敢想像大份係幾大，首先試佐飲個湯先，好好飲，我嗌佐少少辣，酸酸辣辣的味道，好正，啲魚好新鮮好嫩，下面鋪滿芽菜萵苣等等好多配料，送飯一流，再試下雞煲，又係另一種唔同嘅感覺，非常之惹味，會越食越開胃，原本仲擔心份量太多會唔會食唔晒，點知最後清晒，炸饅頭細細件好得意，炸到外脆內軟，加埋煉奶，紅豆冰同豆漿完全做到解辣作用，亦都好好飲，下次會再幫襯試埋其他菜式