鳴門割烹料理 (已結業)

🖤鳴門割烹料理🤍九龍灣宏照道33號國際交易中心2樓2號舖📍食日式放題都淨係諗到旺角、尖沙咀同觀塘比較多同出名，估唔到九龍灣都有呢間日式放題。呢度逢星期六日先有半自助放題，限時90分鐘，$268一位另外加一，可以自選一款主食，而小食、壽司、串燒、刺身、沙律同飲品就任食，仲每人送一隻磯煮鮑魚😋🍱主食：蒲燒鰻魚丼見放題有咁多刺身，所以想食啲暖嘅嘢墊一墊胃😂鰻魚丼份量唔算多，唔怕食飽咗搞到食唔到其他嘢🤣鰻魚都幾大件同幾厚👍🏻🍱主食：三式丼<拖羅蓉、三文魚籽、火炙鰈魚邊>見到有三文魚籽同火炙鰈魚邊就抵抗唔住啦😍三文魚籽卜卜脆，唔會過鹹。鰈魚邊燒過好重油香味，可惜得一件，如果多啲就好啦！🍣刺身一共有五款，包括三文魚、帆立貝、油甘魚、八爪魚同鯛魚，件件都厚切，好肥味，擺盤幾用心！小食方面，最推薦係吉列蠔同芝士年糕，上枱仲keep到熱辣辣，另外日式蒸蛋都幾好食，食完好暖胃👍🏻串燒方面，叫雞軟骨一定冇得輸！同比較少有嘅免治雞肉棒都值得一試😋🥟🍤🍢雖然佢係半自助放題，選擇一定無咁多，但放題必叫嘅小食都有，仲有不論係刺身、炸物、串燒等等都比出面放題高質好多，仲可以望到師傅即製壽司同切刺身🙂餐