芝加哥串燒 (美豐花園) (已結業)

今日朋友帶我去大埔bar飲下酒食下飯吹下水，難得大家都放假，大家又可以慢慢傾下計可以Relax下。餐廳怖置幾靚又有個酒櫃擺上不同牌子的酒。呢款酒易入口，酒精又少幾正。炸薯條配黑松露醬，薯條熱騰騰又好香口，配上黑松露醬薯條更加美味可口。香草雞翼烤到好入味，外皮外脆內嫩咬落又有肉汁，真是好美味。蒜爆黑椒牛小排粒，牛小排炒到好夠味，肉質嫩牛味重，洋蔥又咁甜超正。香草三文魚忌廉汁長通粉，三文魚幾香長通粉又有咬口又夠入味。黑松露意大利飯配帶子，兩粒帶子大大粒又煎到好香，意大利飯又軟硬適中，每粒飯又沾上黑松露好濃厚好香。