影片
更多
2025-02-14
0 瀏覽
自從裕民坊重建咗之後，一直都未嚟過食嘢，以為呢度嘅餐廳都係比較普通連鎖店，朋友介紹原來呢度有間好靚嘅西餐廳，今日放工就嚟試吓啦。呢度嘅裝修真係好靚，好多唔同嘅花花，估唔到觀塘都有咁靚嘅餐廳，而且雖然去到嘅時候係六點幾，但係已經坐滿客人，如果要來嘅記得訂位啦。我就叫咗個西冷牛扒配龍蝦，估唔到佢價錢咁平。但係一上枱真係嚇咗一跳，龍蝦非常大隻，而且仲有只開咗兩邊，每天都非常多，而且肉質好大牙，一食落就知道好新鮮。另外個西冷牛扒就叫咗五成熟，食落啱啱好，而且佢嘅牛味都好夠，一食就知係高質嘅材料。見到隔籬枱食嘅疏乎厘好吸引，咁就叫咗過嚟試啦。我就叫咗個期間限定嘅楊枝甘露疏乎厘，食落唔係太甜，酸酸甜甜咁唔會好膩。而且疏乎厘整得好鬆化，非常適合打卡。呢間餐廳又靚，而且食材好高質，價錢都好抵食，唔怪得咁多人啦。下次嚟觀塘，都一定會介紹朋友嚟食呢間餐廳呀。
呢度嘅裝修真係好靚，好多唔同嘅花花，估唔到觀塘都有咁靚嘅餐廳，而且雖然去到嘅時候係六點幾，但係已經坐滿客人，如果要來嘅記得訂位啦。
我就叫咗個西冷牛扒配龍蝦，估唔到佢價錢咁平。但係一上枱真係嚇咗一跳，龍蝦非常大隻，而且仲有只開咗兩邊，每天都非常多，而且肉質好大牙，一食落就知道好新鮮。
另外個西冷牛扒就叫咗五成熟，食落啱啱好，而且佢嘅牛味都好夠，一食就知係高質嘅材料。
見到隔籬枱食嘅疏乎厘好吸引，咁就叫咗過嚟試啦。我就叫咗個期間限定嘅楊枝甘露疏乎厘，食落唔係太甜，酸酸甜甜咁唔會好膩。而且疏乎厘整得好鬆化，非常適合打卡。
呢間餐廳又靚，而且食材好高質，價錢都好抵食，唔怪得咁多人啦。下次嚟觀塘，都一定會介紹朋友嚟食呢間餐廳呀。
張貼
