素來素往 (已結業)

屋企長輩一個月總有幾日食素，之前行過大角咀有間素食放題，即刻趁住放假嘅日子帶佢哋嚟試吓。放題價錢都唔貴，閑日晚餐成人大概$128一位，持有長者咭仲有九折優惠。自助餐佢雖然唔係好大，但係食物種類都幾多，中式西式樣樣都有，而且擺盤都幾靚，有好多款都完全唔似係素食😆😆食咗咁多款我㗎最推介就係以下三樣: Pizza真係可以以假亂真，茄醬青椒紅椒🌶️個餅底覺得好脆。漢堡包亦都一樣🤣望落細細個好的骰，好食。size唔係咁大就可以試多啲唔同嘅嘢。最後甜品食埋碗山水豆腐花就Perfect啦。