黎到呢間相馬日式火鍋放題，兩人被安排的座位超闊落。客人寥寥可數，像包場一樣。
選了美國特選牛肉放題 $268 包美國特選牛肉、日本鹿兒島頂級黑豚肉、雞肉。
6款免費湯底，我地選左大家都必點甜豉油，無論肉類或菜類味道都會勁夾。
1
除火鍋外，還有炸物及串燒即點即做，串燒提供醬燒、鹽味、味增三種口味。
飲品櫃種類唔算好多，酒類飲品需另收費。
蔬菜種類很多～
丸類分兩個雪櫃，亦有簾封好，乾淨衛生。
另一邊廂仲有雪糕同朱古力噴泉添。
雞翼、炸雞唐揚最好味。
除了牛舌燒得乾了少少外，其他味道也不錯。雞翼及蔥段豚肉卷都好好味。
鹽燒雞皮最邪惡，叫左兩次。
一開始，各款肉類都會俾一碟。菜類最特別推介有花生芽、蟲草花及萵筍。
鹿兒島黑豚肉超出色，嫩滑有肉味，勁飽都追加多一碟先夠滿足。
