川味香

營業中

休息中

8吋大虎蝦1隻 $528吋大虎蝦勁大隻，加上鹽燒鮮甜好味，外面燒到好脆卜卜，食落口啖啖肉，肉質口感彈牙, 加埋我至愛既蒜蓉調味，忍唔住要叫多隻encore。蒜蓉生蠔 2隻 $70兩隻望落脹卜卜既新鮮生蠔，上面鋪勁多既蒜蓉，一上枱就聞到陣陣蒜香味 未食已經流晒口水，咬落去爆哂汁，口感彈牙。惹味燒台灣雞泡魚 $48日本燒雞泡魚干就食得多，呢度有來由台灣既雞泡魚干，當然要試下啦，燒得乾身咬落脆卜卜配埋蛋黃醬食，送酒一流。五花腩肉串 $30豚肉食落口感爽口，滿滿既肉汁，肥肉位油香四溢，用海鹽等香料燒到勁香口，令黑豚肉更惹味。燒日本一口和牛粒 $34一粒粒牛柳油脂含量唔算好高，食落口肉汁豐富軟腍鮮嫩，每一粒都燒到惹味焦香，令人食唔停口。